Om oss

Frønsdal Aktivitetsgard er eit gardsbruk som er tilrettelagt for hesteaktivitet og mange andre kjekke aktiviteteter. Det finnes som regel alltid nye prosjekter under bygging og utvikling. Idag har me faste tilbod fleire dagar i veka for ulike aldersgrupper. Her er ponnivenner frå 5 år, rideskule for dei over 9 år samt tilrettelagt ridning for dei som har behov for det. Her kan ein arrangere ponnibursdagar eller sommaravslutning med klassen. Gjerne ta ein annleis familiefest med fin middag inne og ut på ponniriding eller kjerrekøyring midt i selskapet! Elles tek me etter avtale imot alle slags grupper av born eller vaksne på ridning, hestekøyring og anna besøk. Så er her også muligheter for kanopadling, bueskyting og hesteskokasting, sandvolleyball og paintball m.m. Grilling og anna sosial kos kan gjerast fleire stader på garden. Tunhuset er vår heilårs stolthet midt i gardstunet, og dette gjev forsamlingsplass til opptil 60 personar, kursplass til minst 25 samt overnatting frå 10 til 30 personar i 6-7 ulike soverom. Her arrangerer me leirar og kurs, og leiger ut til ulike arrangement både med og utan overnatting. Strandhuset ved Eikelandsvatnet er ein flott base for sommarkos med padling og sandvolley, og med vedfyring kan hytta gi like mykje kos til grupper på 10-15 personar også vinterstid. For tida jobber me med eit aktivitetsområde rundt eit prosjekt som me kaller “Tårnhuset” med spennande muligheter for opphold og leik, aktiviteter og mat, samt overnatting for dei minst kresne på sommarstida. Det skal vera kjekt å koma til Frønsdal Aktivitetsgard, og me gler oss til å sjå deg og gruppa di på besøk hjå oss!